食左個早餐就急急腳走到去新幹線，搞左一輪野先知道自己一齊走左去JR東海線！明明個架車係JR西日本。因為時間都好趕，架車就快到，我都要飛奔去JR西日本到搞手續。原來個獎品唔包括乘車票，排隊等個陣先睇到細字??即係又要額外買多程由新大阪去西明石啦？！唉～灰
到黎到囉！點都要去架啦，買左咪上車～一上到月台就迫滿人。個個都高舉手機，心諗係咪有名星係到呢？！之後500TYPE係我面前緩緩出現，個個都同佢自拍。紫綠這配搭太SHARP，任何野一用直接會諗起初號機！咁我點登車呢？！
問完職員之後由車尾跑返車頭等入去，期間我見到COSPLAYER出沒！！興奮到成個彈起，因為架車都開跑左2-3星期，COSPLAYER都已經玩過晒，仲有遺珠係到！！今次佢COS既係美里小姐（美里さん）排我前牌的姨姨又唔敢同佢影相，我唔等佢自己搶先問：「美里小姐我地可唔可以拍照？」點笑美里小姐收起笑容，有返手套CHOK左個好COOL既樣說：「可以」
嘩！真係入戲到呢～得知我由香港來都好驚訝！兩個互影～✨?✨直到真係要上車，等唔切個份喜悅！你知我架啦，左手IPHONE右手另一部機，周圍拍先值回票價！上到車就一於由車頭再到車尾遊一次先，原來去到一半就變返好普通的車位。瞬間跑返車頭登記入駕駛室～
我地個位當然同其他人唔同啦～張椅套都型過人！攞到PASS就開始入第一卡車，而我仲係第一個人入去玩添。一入到去，兩大個SCREEN指示我要坐上駕駛座，職員都有問的要不要拍照，我隨手俾左部IPHONE佢任影。我係要模擬由NERV升到地面出發，同明日香合力打開第三使徒的絕對領域，再由佢攻擊。晝面之靚已經超越動畫，二號機迫真到真係好似係我隔離咁。成個駕駛座得兩個按鈕，打開絕對領域時就用左KINECT既互動，最後按一下帷一的按鈕亂槍掃射，勝利！??????
係好無聊，但入到去好真實好興奮，係FANS都會癲左大叫。我邊玩邊說：「好有趣，好有型～」5分鐘完左到下一個，之後我就到B賞的專用區睇展覽。兜個圈睇晒，同TWITTER上公佈的一樣。埋尾都要同美里小姐＋凌波麗合照先心熄。20分鐘車程就到位於神戶市的西明石，有咩景點？我記我有一個叫「人丸神社」的地方，又可以到朝日旗下的MITSUYA見學，去無料摸原材料同試飲。可惜我一個人，真係唔知可以去邊⋯⋯有興趣探下路！
參考 http://guide.jr-odekake.net/spot/8820
因為我為慳車錢，改搭JR返新大阪，JOIN朋友食LUNCH。完左我個500TYPE EVA新幹線之旅。
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
